Hai versos para min?

Unha das actividade que o alumnado do Programa TEI (3º e 5º E. P.) fixeron para seguir con ese vínculo entre "padriños" e "madriñas" e os seus "afillados/as" foi a actividade "Hai versos para min?". Consistía  en que cada un deles/as, madriñas-padriños-afillados/as, debía escribir un verso para a nena ou neno que fose a súa parella no TEI. Lectorio foi testemuña das caras de sorpresa e alegría que ían poñendo todos e todas ao recibir e ler cadanseu verso. As fotos dino todo...

DIA DA POESÍA 2018

Con motivo do Día da Poesía que se celebra o 23 de marzo, e para conmemorar tamén o 50 aniversario dos "Soños na gaiola" de Manuel María no noso cole todo o alumnado, dende Educación Infantil ata 6º de Educación Primaria prepararon unha poesía desta obra que recitaron no salón de actos. Lectorio quedou abraiado do ben que o fixeron todos e todas. Enriba do escenario demostraron todo o traballo e o esforzo previo para preparalas. Que artistazos/as temos no cole amigos e amigas!!!

Ben se ve nas fotos que aquí vos deixamos de cada curso...

Visita María Canosa

Durante o 2º  e 3º trimestres o alumnado de 5º e 6º está a ler na aula "Muriel" de María Canosa. Por este motivo tivemos a sorte de contar na nosa biblio coa visita da autora para falar con tódolos nenos e nenas destes cursos sobre esta obra e outras cousiñas da súa vida e obra. Foi unha moi grata experiencia para todos e todas. Un grandísimo pracer e moitísimas grázas pola visita María!