O APALPADOR VISITA O VIRXE DO MAR

 No Virxe do Mar gústanos recuperar tradicións antigas da nosa terra e facer partícipes aos nosos pequenos e pequenas desas tradicións. O Apalpador é unha desas figuras que queremos recuperar e por iso traballámola nas aulas. Este traballo ten como colofón a visita do Apalpador en persoa, cargadiño de agasallos feitos de madeira para os nosos pequenos e pequenas de infantil , primeiro e segundo.

NADAL NO VIRXE DO MAR

 Este mes de Nadal tivemos un montón de actividades tanto na biblioteca como no resto do centro. Como todos os anos tivemos o tradicional concurso de postais. Neste Genially podedes acceder aos gañadores e aun pequeno video ao final coas cousiñas que estivemos facendo cos nenos e nenas ao longo deste mes.

 NADAL NO VIRXE DO MAR

CONCERTO DE A GRAMOLA GOMINOLA

 Hoxe a nosa rapazada puido disfrutar do concerto de A Gramola Gominola. Como gozaron!! Que gusto daba velos saltar , corear e brincar. Que falta facían estes momentos. Grazas a Paco, Paula, Anxelo e Rodrigo polo fantástico espectáculo. Pero o que máis disfrutou de todos foi o noso Lectorio. Aquí o tedes, en primeira plana

 E agora a disfrutar con eles no seguinte video

De novo grazas o ANPA GALATEA facer posible esta actuación

O MELLOR AGASALLO : UN LIBRO

 Achégase o Nadal e dende a biblioteca de Lectorio animámosvos a que nas vosas cartas incluades algún libro. Aquí tedes a selección de Lectorio para este Nadal 2020.

Lecturas Nadal 2020

Publish at Calameo

CONCERTOS DE NADAL

 Ola familias!!!

Xa está por rematar este trimestre tan extraño e que penso que superamos con nota grazas aos pequenos e pequenas e as súas familias.

Este ano non podemos facer grandes festas colectivas pero non podíamos deixar de despedir o trimestre con algo especial. 

Tras falar coa nosa ANPA decidimos que os nosos nenos e nenas merecían un gran concerto de despedida de trimestre, así que con parte da aportación económica deles e outra parte que puxo o cole imos poder disfrutar dos concertos de ........

A GRAMOLA GOMINOLA : actuará mañá, 17 de decembro para o alumnado de 3º,4º,5º e 6º.

MIGALLAS, actuará o día 21 de decembro para o alumnado de Infantil, 1º e 2º 

GRAZAS ANPA GALATEA!!!!

BAILE DE CORES NA BIBLIOTECA DE LECTORIO

 As nenas e os nenos da clase de 3 anos tamén quixeron unirse ás actividades do mes da ciencia e fixeron un divertido experimento. Tomando como motivación o conto Pequeno Azul , pequeno amarelo foron descubrindo que pasa se poñemos en contacto leite, colorante e xabrón. O resultado foi moi vistoso. Aqui tedes unha pequena mostra.

LECTORIO E MÁIS CIENCIA

 Non vos perdades este video co experimento que fixeron os nenos e as nenas de 2º de Primaria. Chegaron a unhas conclusións certamente interesantes. Son uns auténticos científicos e científicas. Atentos e atentas aos seus consellos.