As Mochilas Viaxeiras comezaron por fin! o seu camiño. Este curso son nove as mochilas que puxemos a "andar" polos fogares do alumnado do 2º e 3º ciclo cargadas de material diverso: libros de ficción, informativos, comics e outros soportes audiovisuais; tamén un caderno onde os membros da familia poidan escribir comentarios, creacións propias, debuxos, citas literarias... Seguro que o resultado será sorprendente.
A finalidade desta actividade é a de implicar ás familias no proceso lector dos nenos e das nenas e a de fomentar a lectura compartida, o intercambio de opinións e as valoracións sobre os materiais seleccionados na mochila.
BOAS LECTURAS EN COMPAÑÍA!
No hay comentarios:
Publicar un comentario