24 DE FEBREIRO. DÍA DE ROSALÍA

A asociación de Escritores e Escritoras en Lingua Galega (AELG) convida a centros de ensino e concellos a participar do DÍA DE ROSALÍA DE CASTRO, no día do seu aniversario, do que este ano se cumpren 175 anos do seu nacemento, organizando actividades de promoción da obra da nosa escritora máis universal.
O 24 de febreiro está recollido oficialmente como DÍA DE ROSALÍA DE CASTRO pola Consellería de Cultura e Educación no seu calendario do Libro e da Lectura.

24 DE FEBREIRO. DIA DE ROSALÍA

ENTROIDO 2012

O venres 18, celebramos no noso centro O ENTROIDO cun pasarrúas. Todo o cole dende as aulas de 3 anos ata a de 6º de Primaria fixemos un "paseo" pola historia e polas rúas do barrio disfrazados e disfrazadas de época. Trogloditas, exipcios, celtas, romanos, medievais, damas e cabaleiros, anos 20 e hippies desfilaron por Narón cantando a canción O ENTROIDO NA HISTORIA composta por todos nós.
Cando chegamos ao cole o alumnado de 6º leu o testamento do MECO e todos xuntos degustamos os doces típicos aportados polas familias. Foi todo un espectáculo!!! e unha festa moi divertida.


 O ENTROIDO NA HISTORIA 
                          
- Chegaches xa, Entroido?
-Cheguei,si, señor.
De Ourense ata Narón,
felos e cigarrónss.
Pantallas, peliqueiros,
trouladas e fulións,
filloas con orellas
e grelos con lacón.



Os romanos de 3 anos
gladiadores e poetas,
inventamos moitas leis
e bañámonos nas termas.


- Chegaches xa, Entroido?...


Os  nenos de 4 anos
vivimos na Idade Media,
trovadores e bufóns 
fan as noites máis amenas.


- Chegaches xa, Entroido?...


Nas pirámides de Exipto
 hai momias e faraóns.
Na clase de 5 anos 
Cleopatra, Tutankamón.


- Chegaches xa, Entroido?...


As damas e cabaleiros
somos fortes e valentes
e cantámosche moi ledos
para divertir á xente.


 - Chegaches xa, Entroido?...


Os da clase de segundo
vimos todos disfrazados
de trogloditas trouleiros
das cavernas de antano.


- Chegaches xa, Entroido?...


Os rapaces de terceiro
xa chegamos preparados,
vimos desde os anos vinte
e bailamos de coidado.


- Chegaches xa, Entroido?...


Os de cuarto somos celtas
que vimos do noso castro,
para celebrar o Entroido
e pasares un bo rato.


- Chegaches xa, Entroido?...


5º e 6º de Primaria
somos hippies de vangarda,
lanzamos flores á xente
parar guerras é urxente.


- Chegaches xa, Entroido?...


Liberdade para o mundo,
irmandade no futuro,
 tolerancia en cada idea
camiñemos todos xuntos.


- Chegaches xa, Entroido?...

CHARLES DICKENS

Neste mes de febreiro cúmprense 200 anos do nacemento de Charles Dickens(1812- 1870),autor de títulos da literatura universal tan inolvidables como Oliver Twist, David Copperfield ou Canto de Nadal.

Dende a biblioteca de Lectorio queremos conmemorar a este escritor da mellor maneira posible: lendo as súas novelas e coñecendo a súa obra.

O AMOR NAS NOSAS MANS

NSPCC Handscape from No Hype Here on Vimeo.