30 de XANEIRO, DÍA DA PAZ

   Hoxe, para conmemorar esta data, os alumnos e alumnas do cole foron os protagonistas da celebración do Día da PAZ e a Non Violencia.

Os maiores de 6º fixeron unha representación, no salón de actos, dunha resolución de conflitos de forma pacífica, onde o diálogo é a base da boa convivencia. Obsequiáronnos, tamén, cun baile cooperativo.

Rematamos o acto cantando todos xuntos a canción PAZ, PAZ, PAZ; acompañados á percusión do alumnado de Infantil.

Oxalá que as actividades levadas a cabo este día e, as propostas  realizadas previamente, a partir de libros e de lecturas que levan implícitas mensaxes de amizade, tolerancia, respecto, ausencia de violencia... nos acheguen cada vez máis a o que significa a palabra PAZ.