DÍA DA POESÍA

        O 21 de marzo, co equinocio da primavera, celébrase o Día Mundial da Poesía. Esta conmemoración foi impulsada pola UNESCO para promover a poesía como unha forma esencial de cultura e para homenaxear ás persoas que utilizan a palabra como ferramenta para intentar mellorar o mundo.

        Lectorio, a nosa mascota da biblioteca, proponnos para celebrar este día, que cada grupo seleccione e ilustre poemas relacionados co proxecto de investigación que estamos levando a cabo durante este curso (auga, terra, aire e lume). Cos poemas recollidos, acompañados polas ilustracións, editaremos unha escolma de poesías sobre os catro elementos.